കൊട്ടിയം: ദേശീയപാതയില്‍ നിയന്ത്രണംവിട്ട കാര്‍ കെഎസ്ആര്‍ടിസി ബസ്സിലിടിച്ച് കാര്‍ യാത്രക്കാരന്‍ മരിച്ചു. ഇരിങ്ങാലക്കുട കിട്ട മേനോന്‍ റോഡ് പെരുമ്പാല ഹൗസ് വിപഞ്ചികയില്‍ സരീഷ് (40) ആണ് മരിച്ചത്. ശനിയാഴ്ച രാവിലെ ഏഴേ മുക്കാലോടെ പോളയത്തോട് കച്ചേരി ജംഗ്ഷനിലായിരുന്നു അപകടം.കൊല്ലം ഭാഗത്തുനിന്നും വരികയായിരുന്ന കാര്‍ ചാത്തന്നൂര്‍ ഭാഗത്തുനിന്നും കൊല്ലത്തേക്ക് വരികയായിരുന്ന കെഎസ്ആര്‍ടിസിയുടെ ഓര്‍ഡിനറി ബസ്സിന് മുന്നിലേക്ക് ഇടിച്ചു കയറുകയായിരുന്നു. സംഭവം നടന്നയുടന്‍ ഓടി കൂടിയ നാട്ടുകാര്‍ ചേര്‍ന്ന് കാറില്‍ കുടുങ്ങി കിടന്ന സരീഷിനെ പുറത്തെടുത്ത് മേവറത്തെ സ്വകാര്യ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അബുദാബിയില്‍ നിന്നും അവധിക്ക് നാട്ടിലെത്തിയ സരീഷ് ചാത്തന്നൂരിലെ ഭാര്യ വീട്ടിലേക്ക് പോകുമ്പോഴായിരുന്നു അപകടം. ഇരവിപുരം പോലീസ് മേല്‍നടപടികള്‍ സ്വീകരിച്ചു. ഭാര്യ: മഞ്ജുഷ. മകന്‍: ഘന ശ്യാം

പാലക്കാട്: നെന്മാറ സജിത വധകേസിൽ കൊലയാളി ചെന്താമരയ്ക്ക് ഇരട്ട ജീവപര്യന്തം. നാലേകാൽ ലക്ഷം രൂപ പിഴ തുകയും കോടതി വിധിച്ചു. പാലക്കാട് ജില്ലാ അഡീഷണൽ സെഷൻസ് കോടതി ജഡ്ജ് കെന്നത്ത് ജോർജ് ആണ് വിധി പറഞ്ഞത്. അഞ്ചുമാസം നീണ്ട വിചാരണക്കൊടുവിൽ ചെന്താമര കുറ്റക്കാരനാണെന്ന് കഴിഞ്ഞദിവസം കോടതി കണ്ടെത്തിയിരുന്നു. ഇയാൾക്കെതിരെ കൊലപാതകം, തെളിവ് നശിപ്പിക്കൽ, അതിക്രമിച്ചു കടക്കൽ തുടങ്ങിയ കുറ്റങ്ങൾ തെളിയിക്കപ്പെട്ടു. 44 സാക്ഷികളും, ഡിജിറ്റൽ- ശാസ്ത്രീയ തെളിവുകളും നിർണായകമായ കേസിൽ ചെന്താമരയ്ക്ക് കടുത്ത ശിക്ഷ തന്നെ നൽകണമെന്ന് Read More…

മികച്ചവിജയം

മികച്ച വിജയം നേടി ഇക്കഴിഞ്ഞ എസ് .എസ് എൽ .സി പരീക്ഷയിൽ കൊടുവഴന്നൂർ ഗവൺമെൻ്റ് ഹയർ സെക്കൻഡറി സ്കൂളിൽ നിന്ന് എല്ലാ വിഷയങ്ങൾക്കും എ പ്ളസ് നേടിയ ആര്യൻ എസ്.ബി.പത്ര പ്രവർത്തകനും എഴുത്തുകാരനുമായിരുന്ന സുനിൽ കൊടുവഴന്നൂർ,ബിന്ദു നന്ദന എന്നിവരുടെ മകനാണ്.

വിദ്യാഭ്യാസശില്പ്പശാല സംഘടിപ്പിച്ചു കലാനികേതൻ കലാകേന്ദ്രത്തിൻ്റെ ആഭിമുഖ്യത്തിൽ കടയ്ക്കാവൂർ ടാഗൂർ കോളേജിൽ വിദ്യാഭ്യാസ ശില്പശാല സംഘടിപ്പിച്ചു. “വിദ്യാർത്ഥികളും സാമൂഹ്യ ജീവിതവും” എന്ന വിഷയത്തിൽ നടന്ന ശില്പ്പശാല കവിയും ഗാനരചയിതാവുമായ രാധാകൃഷ്ണൻ കുന്നുംപുറം ഉദ്ഘാടനം ചെയ്തു.അഡ്വ.എ. റസൂൽഷാൻഅധ്യക്ഷനായി. കവിയും എഴുത്തുകാരനുമായ ബിനുവേലായുധൻ മുഖ്യപ്രഭാഷണം നടത്തി. സജിതിലകൻ വിഷയാവതരണം നടത്തി. അനിൽ സ്വാഗതം പറഞ്ഞു. ബിനുലാൽ ലഹരി വിരുദ്ധ സന്ദേശം നൽകി. സുനിൽ കുമാർ നന്ദിപറഞ്ഞു.