തിരുവനന്തപുരം പൂവച്ചലില് ഭിക്ഷയാചിച്ച് റോഡില്നിന്ന വയോധികയെ പണം കൊടുക്കാമെന്ന് പ്രലോഭിപ്പിച്ച് വീടിനുള്ളില് വിളിച്ചുകയറ്റി ഉപദ്രവിച്ചു.സംഭവത്തില് പോലീസുകാരനും സുഹൃത്തും അറസ്റ്റിലായി. വട്ടിയൂർക്കാവ് പോലീസ് സ്റ്റേഷനിലെ സി.പി.ഒ. പൂവച്ചല് പാലേലി മണലിവിള വീട്ടില് ലാലു (41), സുഹൃത്ത് കുറ്റിച്ചല് മേലെമുക്ക് സിതാര ഭവനില് സജിൻ (44) എന്നിവരെയാണ് കാട്ടാക്കട പോലീസ് അറസ്റ്റ് ചെയ്തത്. 90 വയസ്സുള്ള സ്ത്രീയെയാണ് പൂവച്ചല് യു.പി. സ്കൂളിന് സമീപം സജിന്റെ വീട്ടില് ഞായറാഴ്ച രാവിലെ പൂട്ടിയിട്ടത്. മദ്യലഹരിയില് ആയിരുന്നു പ്രതികള്. വീടിനുള്ളില് പൂട്ടിയിട്ടതോടെ വയോധിക ബഹളംവെച്ചു. Read More…
പ്രേംനസീർ സ്മാരക ശാന്തി ലൈബ്രറി ക്യാമ്പ് സംഘടിപ്പിച്ചു. മുടപുരം, പ്രേംനസീർ സ്മാരക , ശാന്തി ലൈബ്രറി ” തുമ്പികളേ വാ ” എന്ന പേരിൽ കുട്ടികളുടെ ക്യാമ്പ് സംഘടിപ്പിച്ചു. കവിയും ഗാനരചയിതാവുമായ രാധാകൃഷ്ണൻ കുന്നുംപുറം ഉദ്ഘാടനം നിർവ്വഹിച്ചു. പ്രസിഡന്റ്തുളസീധരൻ അധ്യക്ഷനായി. ക്യാമ്പിന്റെ ഭാഗമായി നാടൻപാട്ട് , കഥപറച്ചിൽ ,കവിതാവതരണം എന്നിവ നടന്നു. ലൈബ്രറി ഹാളിൽ നടന്നചടങ്ങിൽഅജിത്ത് കുമാർ സ്വാഗതംപറഞ്ഞു.ബങ്കിംചന്ദ്രൻ ,സന്തോഷ്കുമാർ ,നൗഷാദ് എന്നിവർ സംസാരിച്ചു.എൻ.എസ് അനിൽ നന്ദി രേഖപ്പെടുത്തി.
ഷാർജ ഇൻഡസ്ട്രിയൽ ഏരിയ 6 ലെ ഫർണിച്ചറുകളും കാർ സ്പെയർ പാർട്സുകളും സൂക്ഷിച്ചിരുന്ന വെയർഹൗസുകളില് തീപിടുത്തം. ഇന്ന്, ബുധനാഴ്ച രാവിലെയാണ് തീപിടിത്തം ഉണ്ടായത്. ആർക്കും പരിക്കില്ലെന്ന് ഷാർജ സിവിൽ ഡിഫൻസ് അറിയിച്ചു. തീപിടിത്തത്തിന്റെ കാരണം വ്യക്തമല്ല. രാവിലെ 10 മണിയോടെ സിവിൽ ഡിഫൻസിന് ഒരു കോൾ ലഭിച്ചെന്നും തുടർന്ന് അഗ്നിശമന സേന സ്ഥലത്തെത്തിയെന്നും വക്താവ് പറഞ്ഞു. അഗ്നിശമന സേനാംഗങ്ങൾ തീ നിയന്ത്രണവിധേയമാക്കുന്നതിനിടെ ഉടൻ തന്നെ പ്രദേശം വളഞ്ഞു. സ്ഥലം അന്വേഷണത്തിനായി ഫോറൻസിക് വിദഗ്ധർക്ക് കൈമാറും..
