സപ്ലൈക്കോയുടെ ആറ് പമ്പുകള്‍ കൂടി ഈ സാമ്പത്തികവര്‍ഷം തുടങ്ങുമെന്ന് ഭക്ഷ്യ, പൊതുവിതരണ, ഉപഭോക്തൃകാര്യ, ലീഗല്‍ മെട്രോളജി വകുപ്പ് മന്ത്രി ജി.ആര്‍ അനില്‍. സപ്ലൈക്കോയുടെ പതിനാലാമത് പെട്രോള്‍ പമ്പിന്റെ ശിലാസ്ഥാപനം കന്റോണ്‍മെന്റ് സിവില്‍ സപ്ലൈസ് കോംപ്ലക്‌സില്‍ നിര്‍വഹിക്കുകയായിരുന്നു അദ്ദേഹം. ജനജീവിതത്തിന്റെ എല്ലാമേഖലകളിലും ആശ്വാസംപകരുന്ന പദ്ധതികളാണ് സപ്ലൈകോയുടെ നേതൃത്വത്തില്‍ രൂപകല്‍പ്പന ചെയ്തിരിക്കുന്നത്. പെട്രോള്‍ പമ്പുകള്‍ക്ക് പുറമേ പാചകവാതകം, മരുന്നുകള്‍, നിത്യോപയോഗസാധനങ്ങള്‍ തുടങ്ങിയവ ന്യായവിലയ്ക്ക് ലഭ്യമാക്കുന്നു. നവംബര്‍ ഒന്ന് മുതല്‍ സപ്ലൈകോ ഔട്ട്‌ലെറ്റുകളില്‍ സ്ത്രീകള്‍ക്ക് സബ്‌സിഡിഇതരഉല്‍പ്പന്നങ്ങള്‍ 10 ശതമാനം വിലകുറവില്‍ വാങ്ങാം. Read More…

തിരുവനന്തപുരം. ഒന്‍പതു വയസ്സുകാരിയെ ലൈംഗികമായി പീഡിപ്പിച്ച രണ്ടാനച്ഛനും അപ്പൂപ്പന്റെ സുഹൃത്തും അറസ്റ്റിൽ. പോത്തൻകോട് കല്ലിയൂർ സ്വദേശികളായ അനീഷ്, ബാബുരാജ് എന്നിവരാണ് പിടിയിലായത്. കുട്ടിയുടെ മാതാവ് വിദേശത്തേക്ക് ജോലിക്കായി പോയ ശേഷമുള്ള കുട്ടിയുടെ സ്വഭാവത്തിലെ മാറ്റം സ്കൂളിലെ അധ്യാപകരാണ് തിരിച്ചറിഞ്ഞത്. പിന്നാലെ കൗൺസിലിങ്ങിന് വിധേയമാക്കിയപ്പോൾ കുട്ടിയാണ് വിവരം പുറത്തു പറഞ്ഞത്. പ്രതികളെ റിമാൻഡ് ചെയ്തു.

ഗവ. യു.പി എസ് പോത്തൻകോട് സംഘടിപ്പിച്ച ശ്യാംലാൽ മെമ്മോറിയൽ ജില്ലാതല ക്വിസ് മത്സരത്തിൽ ( LP വിഭാഗം) ഒന്നാം സ്ഥാനം നേടിയ ആറ്റിങ്ങൽ ഡയറ്റ് സ്കൂളിലെ ജഗത് കൃഷ്ണ & അമലേന്ദു.