കൊല്ലം: ഫ്ലോട്ടിനു മുന്നില് ഡാൻസ് കളിച്ചു കൊണ്ടിരിക്കെ കാലില് ചവിട്ടിയെന്ന് ആരോപിച്ച് 19കാരനെ നടുറോഡില് കുത്തിക്കൊലപ്പെടുത്തി. കൊട്ടിയൂര് മുഖത്തല കിഴവൂര് സജീവ് മന്ദിരത്തില് പരേതനായ സജീവിന്റെ മകന് അമ്പാടി എന്ന തേജസിനെ ആണ് അഞ്ചംഗ സംഘം കുത്തി കൊലപ്പെടുത്തിയത്.
പ്രതികളെ ഇവരുടെ സുഹൃത്തിന്റെ വീട്ടില് നിന്ന് കൊട്ടിയം പൊലീസ് പിടികൂടി. കിഴവൂര് സ്വദേശികളായ ടുട്ടു എന്ന ആദിത്യന് (19), വിനു (26), പ്രിജിത്, അഖില്രാജ് (29) എന്നിവരും പ്രായപൂര്ത്തിയാകാത്ത 2 പേരുമാണ് പിടിയിലായത്.
ശനിയാഴ്ച രാത്രി 8.30ന് മുഖത്തല കിഴവൂരുള്ള ചെമ്പകശ്ശേരി ക്ഷേത്രത്തിലെ ഉത്സവ കെട്ടുകാഴ്ചയിക്കിടെയാണ് ആക്രമണം ഉണ്ടായത്. പ്രതികളുടെ വീടിനു സമീപത്തു കൂടി കടന്നു പോകുകയായിരുന്ന ഫ്ലോട്ടിനു മുന്നില് കളിക്കുകയായിരുന്ന തേജസ്, അക്രമികളുടെ കാലില് അറിയാതെ ചവിട്ടുകയായിരുന്നു. ഇതിൻ്റെ വൈരാഗ്യമാണ് കൊലപാതകത്തിൽ കലാശിച്ചത്.
