പാലായില് ഒന്പതാം ക്ലാസ് വിദ്യാര്ഥിയുടെ നഗ്നചിത്രങ്ങള് സഹപാഠികള് പ്രചരിപ്പിച്ചതായി പരാതി. പാലാ സെന്റ് തോമസ് സ്കൂളിലെ വിദ്യാര്ഥിയെ ആണ് ക്ലാസ്സില് ഉള്ള മറ്റ് വിദ്യാര്ഥികള് ചേര്ന്ന് ഉപദ്രവിച്ചത്. വിദ്യാര്ഥിയുടെ വസ്ത്രം ഊരി മാറ്റുകയും അത് വിഡിയോ എടുത്ത് പ്രചരിപ്പിക്കുകയും ചെയ്തെന്നാണ് പരാതിയില് പറയുന്നത്.
വിദ്യാര്ഥിയുടെ അച്ഛനാണ് പാലാ പൊലീസ് സ്റ്റേഷനില് പരാതി നല്കിയത്.കഴിഞ്ഞ വദിവസമാണ് സംഭവം. വിദ്യാര്ഥിയുടെ വസ്ത്രം ഊരി മാറ്റിയ ശേഷം നഗ്നചിത്രങ്ങള് മൊബൈലില് പകര്ത്തുകയായിരുന്നു. തുടര്ന്ന് വാട്സ്ആപ്പ് വഴി ഇത് മറ്റു കുട്ടികള്ക്ക് ഷെയര് ചെയ്തു. സംഭവത്തിന്റെ ദൃശ്യങ്ങള് ഉള്പ്പെടെ പുറത്തുവന്നതോടെയാണ് വിദ്യാര്ത്ഥിയുടെ അച്ഛന് പൊലീസ് സ്റ്റേഷനില് പരാതി നല്കിയത്.
വിദ്യാർത്ഥിയെ ബലമായി പിടിച്ചുവെച്ചശേഷം വസ്ത്രങ്ങള് ഊരി മാറ്റുകയായിരുന്നു. എതിർക്കാൻ ശ്രമിച്ചെങ്കിലും നിലത്തുവീണ വിദ്യാർത്ഥിയെ സഹപാഠികളായ രണ്ടു പേർ ചേർന്ന് പിടിച്ചുവെച്ച് ഉപദ്രവിച്ചതായും പരാതിയില് പറയുന്നു. പരാതിയില് വിശദമായ അന്വേഷണം നടത്തിയ ശേഷം നടപടി എടുക്കുമെന്ന് പോലീസ് അറിയിച്ചു.
